ATI Pro DJ Equipments: Ati Pro HF in Hindi

 

Hello, Friends mai Abhishek apka swagat karta hun apne is blog me. Agar aap mere youtube channel se yaha par aaye hai toh aap sabhi ka sukriya. Please kuch minute nikal kar iss article ko pura read kare. Dosto aaj ke is article me aap sabhi ATI Pro Audio ke HF(High Frequency) driver ke baare me batane vala hun. Aur ache se samjhane vala hun ki HF hoti kya hai aur iska kya use hai DJ System me.

Introduction about HF

HF ka matlab hota hai High Frequency. Ye DJ Equipments me jo Top hota hai usme use kari jati hai. HF ka kaam hota hai sound ko dur tak pahuchana high frequency(throw) ke sath. Ab speaker ke Power(Watt) ke hisab se use karne ke liye iske kayi models hote hai. Jinke baare me ham aage baat karenge.

ATI Pro HF compression Drivers

Ab baate kar lete hai ATI Pro ke HF ke baare me, aaj ke article ke liye mere pass 4 HF compression drivers hai.

1.Model: A450

2.Model: A518

3.Model: A750

4.Model: DE800

Ab baari baari charo HF ke baare me jaante aur samjhte hai inke baare me.

ATI Pro HF: A450

ati pro hf

So, friends ab mai apko ATI Pro ki HF A450 ke baare me batata hun. Dosto ye jo HF hai basically upto 500 Watt ke power ke mid(Top Speaker) ke sath use kari jaa sakti hai.

Ab iske kuch technical specifications ke baare me baat kare toh, Is HF me jo voice coil hai vo 1.75 inches ke diameter ki hai. Sath hi sath is HF ki MAX power 120 Watts hai and RMS power 60 watts ki hai.

Magnet Type

Is HF A450 mai Strontium Ferrite magnet ka use kiya gaya hai. Aur jo diaphragm hai vo Titanium material se bana hai.

ATI Pro HF: A518

ati pro hf

Next HF hamari hai A518 is HF ko aap 400 Watts se 800 Watts tak ke mid ke sath use kar sakte hai. Ab iski technical specification ke baare me baat kare toh. Iske andar apko 2.0 Inches ki voice coil mil jati hai. Aur is HF ki jo RMS power hai vo hai 80 Watts and MAX power 160 Watts hai.

Magnet Type

Ye model bhi Ati pro ke ferrite series ka hi hai, is HF me bhi Strontium Ferrite magnet ka use kiya gaya hai. Aur diaphragm material Titanium ka hi hai.

ATI Pro HF: A750

ati pro hf

Jo hamara Third model hai, vo A750 hai. Ye aaj ke iss blog ke ferrite series ka last model hai. Ab thoda iske baare me jaan lete hai. Is HF ko aap minimum 1000 Watts ke Mid ke sath use kar sakte hai and maximum 1800 Watts tak use kar sakte hai bina kisi problem ke.

Iski technical specification ke baare me baat kare toh iski RMS power 110 Watts hai aur MAX power 220 Watts ki hai. Isme apki 3.0 Inches ki voice coil hai.

Magnet Type

Jaisa ki mene apko abhi upar bataya ye ferrite series ki hai toh iske andar bhi Strontium Ferrite magnet ka use kiya gaya hai. And diaphragm same Titanium ka hi hai.

Ab apne fourth model ke taraf aajate hai.

ATI Pro HF: DE800

ati pro hfFriends ab DE800 Ke baare me jaante hai. Is HF ka use Line Arrays me kiya jata hai. A750 and DE800 dono specifications me laghbhag same hi hai. Is HF ko hum 400/500 Watts se 800 Watts tak ke Line Array me use kar sakte hai.

DE800 model ki specifications kuch is trah hai. Iski Jo RMS power hai vo 110 Watts hi hai and MAX power 220 Watts hai. Voice coil ke baare me jane toh same iska diameter 3.0 Inches hai.

Magnet Type

ati pro hfIske jo magnet ka material hai vo Neodymium hai. Neodymium magnet ‘Ferrite’ ke comparatively thoda costly hota hai. And diaphragm isme bhi same Titanium metal ka hi use kiya gaya hai.

Information About HF throw

Dosto ab fatafat is article ko end karte hai. Ab charo HF ke throw ke baare me jaan lete hai. Niche me model ke samne unke throw kitne meter tak jaa sakte hai uska idea de deta hun.

A450:       25 meter

A518:       50 meter

A750:       100 meter

DE800:     200 meter (kyu ki ye HF Line Array me use hoti hai and Line Array height par hota hai jiske vajh se throw jyada hota hai and ek aur main reason Neodymium magnet bhi hai.)

Dosto aajke is article me itna hi agar aap log google se search karke aaye hai meri website par toh aap log aur achi trah samjhne ke liye niche di hui video ko dekh sakte hai.

Thanks.

Read More: ATI Pro Speaker 1800 Watt | ATI Pro Amplifier 8,600 Watt

 

 

5 thoughts on “ATI Pro DJ Equipments: Ati Pro HF in Hindi”

  1. I want
    ATi Pro18″ 1000watt single bass- 1Pair
    ATi Pro 15″400+400watt+518 HF- 1Pair
    Price please
    and give me a best suggestion about Power Amplifier for
    Four 900wattTops Amplifier?
    Two 1000Watt Bass Amplifier?
    Dose Studiomaster DJA2500 Support for Bass?

Leave a Comment